Ngagedekeun si kembar

busur geus dileupaskeun kuduna diculkeun bebas neangan arah nasib sewangsewangan tapi da ati teu mikeun keuekuh asa miboga keukeuh asa nu ngayuga antukna mindeng kuciwa sering teu tarima basa pupujan ati boga ketak jeung karep sorangan asa gagal asa dihianatan padahal karek genep satengah lengkah geus sakieu banggana perjalanan geus sakitu lobana karempan geus sakieu napukna kasieun padahal karek genap satengah lengkah ah...(*)

Di Kuningan

lembur pepek
dipayung gunung

imah pasesedek
mere omber keur
sawah-sawah marakpak hejo

hanyir kota
nyambuang
ti unggal jandela
jeung batin warga(*)

Asmara Tungtung Lengkah

Basa leungeun patarema
Di sisi lungkawing jungkrang
Aya katumbiri

Endah
mapaes paneuteup anjeun
Ngirim widadari
Jeung hariring
Jeroeun ati

Asmara urang
Nu endah
Ligar marengan
Renghap panungtung(*)
Sent from my AXIS Worry Free BlackBerry® smartphone